富強教會 台灣基督長老教會
主禮：夏文學牧師 ◆講題：邁向富強豐盛禧年 ◆聖經：利未記廿五：8～11a 帖撒羅尼迦後書二：13～17 ◆聖經：
【利未記廿五：8～11a】（現代台語）
25:8 你著算七個七年，就是七個安歇年，總共四十九年。
25:9 彼年的七月初十，就是贖罪日，你著派人佇全地歕哨角。
25:10 恁著給第五十年分別作聖，佇全地向所有的住民宣布自由；此年是恩惠的年。恁買來的土地著還互原主，買來的奴隸著互伊轉去伊家己的家庭。
25:11a 第五十年欲做恁恩惠的年。
【帖撒羅尼迦後書二：13～17】（現代台語）
2:13 主所疼的兄弟姊妹，阮應該不時為著恁感謝上帝，因為伊對起頭就揀選恁來得救，對聖神互恁成做聖潔的子民，閣互恁確信真理。
2:14 為著此個，上帝通過阮所傳的福音呼召恁來領受咱的主耶穌基督的榮光。
2:15 所以，兄弟姊妹，著徛在，著堅守阮所教示的傳統，無論是用嘴講的抑是用批寫的，攏著堅守。
2:16 願咱的主耶穌基督本身及疼咱的父上帝對伊的恩典，賜咱永遠的安慰及美好的向望
，2:17 來安慰恁的心，互恁有氣力通做逐項好事，講逐項好話。
